Трамп демократтардың Байденді алып, Харристі таңдағанына риза емес

Трамп демократтардың Байденді өзінен алып, «ақылсыз» және ессіз Харристі» таңдағанына риза емес.  9 тамыз күні кешке Республикалық партиядан үміткер Дональд Трамп Монтана штатының Бозман қаласында сайлауалды үгіт-насихатқа шықты. Монтана мемлекеттік университетінің залына он мың адам келді, ал тағы мыңдаған адам ғимарат сыртына жиналды. Трамп Байденді өзінен тартып алғанына шағымданды: «Оның 14 миллион дауысы болды, ал Хрристе еш дауыс жоқ!» Трамптың айтуынша, Байден Демократиялық партияның праймеризінде миллиондаған дауысқа ие болды, ал Харрис делегаттар арасындағы небәрі онлайн дауыс беруде ғана жеңіске жетті, - деп хабарлайды Arbat.media.

Демократтар президентке қарсы «төңкеріс» жасады, дейді республикашыл.

Бұл туралы Трамп бұған дейін әлеуметтік желіде жариялаған және Пенсильваниядағы алдыңғы сөйлеген сөзінде бұл айыпты қайталаған.

Трамптың айтуынша,Камала Харристі жеңу оңайырақ болады.

Өйткені ол ақылсыз. Ессіз Харрис миллиондаған басқыншыларды, жауыз адамдарды, бүкіл әлемдегі ең нашар қылмыскерлерді шекарадан өткізгісі келді, деп айыптады Трамп Камаланы.

Ол елді Үшінші дүниежүзілік соғыстан, Ұлы Депрессиядан және одан әрі «Камала қор нарығының құлдырауынан» құтқаруға уәде берді.

Трамп сонымен қатар Харристің вице-президенттікке кандидаты Тим Уолзға «өз стилінде» шабуыл жасады.

«Ол мектеп дәретханаларында ер балаларға арналған тампондардың болуын қамтамасыз етті».

Трамп Батлердегі қастандық әрекетті де еске алып, басын бұрып, иммиграция деректерінің графигін қараған кезде өз өмірін сақтап қалғанын айтты.

Трамптың айтуынша, бұған Құдайдың шапағаты болған болуы керек.