Түрік футбол клубының президенті төрешіні соққыға жықты

Түрік футбол клубының президенті төрешіні дәл алаңда соққыға жыққан, - деп хабарлайды Arbat.media.

Түркия чемпионатының «Анкарагюджю» мен «Ризеспор» арасындағы матчтың соңғы ысқырығынан кейін «Анкарагюджю» президенті Фарук Қожа алаңға жүгіріп шығып, төреші Халил Умут Мелердің бетінен ұрды.

Төреші жерге құлаған кезде тағы екі адам оның басынан тепкілей бастады.

Алдын ала мәлімет бойынша, шабуылшылар «Ризеспор» қосылған жетінші минутта есепті теңестіре алғанына ашуланған.

Судья жедел жәрдеммен ауруханаға жеткізілді: дәрігерлер оның бет сүйегі сынған және сол жақ көзінің тұсынан қан кеткен деген диагноз қойды.

Президент Фарук Қожа мен тағы екі шабуылшы қамауға алынды, оларға қатысты тергеу жүріп жатыр, деп хабарлайды мемлекеттік Anadolu ақпарат агенттігі.

Ал түрік ақпарат құралдары осы оқиғадан кейін Түркияның Еуро-2032 турнирін өткізу құқығынан айырылу мүмкіндігін талқылап жатыр.