Аты аңызға айналған боксшы қайтыс болды
АҚШ-та 76 жасында әйгілі америкалық боксшы, ауыр салмақтағы екі дүркін әлем чемпионы және Олимпиада чемпионы Джордж Форман қайтыс болды, деп хабарлайды Arbat.media.
Бұл туралы ең алғашқылардың бірі болып боксшының туыстары мәлімдеме жасады.
"Біздің сүйікті Джордж Эдвард Форман-біріншінің 2025 жылдың 21 наурызында жақындарының ортасында өмірден өткені туралы терең күйзеліспен хабарлаймыз", – деп мәлімдеді олар.
Форман 1968 жылы Мехикода өткен Олимпиада ойындарында алтын медаль жеңіп алған. Осыдан кейін кәсіпқой боксқа ауысып, WBC, WBA және IBF нұсқалары бойынша ауыр салмақта әлем чемпионы атанды.
Айта кетейік, 1973 жылы Джордж Форман жеңілмеген чемпион Джо Фрейзерді жеңіп, кәсіби мансабын бастағанына бірнеше жыл ғана болса да, алғашқы чемпиондық титулын иеленді.
