Тоқаев Қазақстан халқын Ораза айт мерекесімен құттықтады

Президент қазақстандықтарды Ораза айт мерекесімен құттықтап, қасиетті мерекенің маңызын түсіндірді, деп хабарлайды Arbat.Media.

"Бұл – бүкіл мұсылман қауымы үшін мән-маңызы ерекше, қасиетті мереке. Осы мейрамда рухани тазару мен парасаттылық, сабырлық пен қанағатшылдық, өзара сыйластық пен тілектестік, жанашырлық пен жақсылық құндылықтары дәріптеледі.

Ата дәстүріміз бен асыл дініміз елдің бірлігін нығайтып, қоғамның берекесін арттыратын игі амалдар жасауға үндейді.

Биыл Ораза айт мейрамы Наурыз мерекесімен қатар келіп, ел дамуындағы жаңа тарихи кезеңнің жаршысына айналды. Мұның символдық мәні зор.

Баршаңызға зор денсаулық, бақ-береке, толайым табыс тілеймін!

Еліміз аман, жеріміз тыныш болсын!

Ораза айт қабыл болсын!" - деді президент.