Қазақстан жаңалықтары

Заира Сабитова

14 қазан 2024

Шахтинск қаласында әскери қызметшінің денесі табылды

Шахтиск қаласындағы көпқабатты үйлердің бірінде ҚР Ұлттық ұланы «Орталық» өңірлік қолбасшылығы 6505 әскери бөлімінің келісімшарт бойынша әскери қызметшісінің мәйіті табылды. Әскери өзіне-өзі қол жұмсаған. Қайғылы оқиға 13 қазанда болған. Келісімшарт бойынша қызмет етіп жатқан әскери қызметшінің денесін өзі тұрып жатқан пәтерден тапқан. Ол белдікке буынып қалған. 

Қазақстан жаңалықтары

Заира Сабитова

14 қазан 2024

2026 жылы «Болашақтың ойындары» Қазақстанда өтеді

Қазақстан 2026 жылғы дәстүрлі спорт түрлері мен киберспортты біріктіретін бірегей турнир – Phygital Games of the Future өткізу мүмкіндігіне ие болды. Турнирді өткізу құқығына Қазақстаннан бөлек, Перу мен Чили мемлекеттері үміткер болған еді. Қатысушылар жарыста физикалық және цифрлық форматтарды біріктіретін бағдарламаларда сынға түседі. «Болашақтың ойындарын» Қазақстанда өткізу бастамасын Президент Қасым-Жомарт Тоқаев 2024 жылы Қазан қаласында өткен алғашқы ойындардың ашылу салтанатында ұсынған еді. Келесі жылғы турнир БАӘ-де, ал 2026 жылы Астанада өтетін болып бекітілді. 

Қазақстан жаңалықтары

Заира Сабитова

14 қазан 2024

Талғардағы трагедия: қоғамдық тәртіпті қадағалау үшін Ұлттық ұлан әскері жұмылдырылды

Алматы облысының Талғар қаласында қоғамдық тәртіп пен тұрақтылықты қадағалау қызметін атқару үшін ҚР ІІМ Ұлттық ұлан әскери бөлімінің жеке құрамы жұмылдырылды. «Өткізілетін іс-шаралар қауіпсіздікті қамтамасыз етуге және қоғамдық тәртіпті сақтауға бағытталған. Азаматтардан әскерилердің міндетіне түсіністікпен қарауды сұраймыз», — деп хабарлады Ұлттық ұланының баспасөз қызметі. 

Қазақстан жаңалықтары

Заира Сабитова

13 қазан 2024

Алматыда заңсыз салынған ірі қойма бұзылып жатыр

Алматыда сот шешімімен ірі құрылыс нысанын бұзу жұмыстары басталды. Өңірдегі қала құрылысын бақылау басқармасы мәлім еткендей, Самғау шағын ауданындағы Көкорай көшесі, 28/2 мекенжайында орналасқан 2 000 шаршы метрден астам заңсыз қойма ғимараттары толық сүріледі. Бұған дейін басқарма тарапынан «Рифтам» ЖШС-не жоспардан тыс тексеріс жүргізіліп, нысанның басым бөлігіне рұқсат құжаттарының жоқ екені анықталған. 

Қазақстан жаңалықтары

Заира Сабитова

13 қазан 2024

300 қатысушы және 17 мамандық: «Үздік маман» байқауы

Маңғыстау облысында «ҚазМұнайГаз» компаниялар тобының жұмысшы мамандықтары арасында өткізілген жыл сайынғы «Үздік маман — 2024» байқауы өз мәресіне жетті. Мұнай-газ кешені саласындағы 17 мамандық бойынша 300 қатысушы өз шеберліктерін сынады. Биыл байқауға алғаш рет Румыниядан келген KMG International қызметкерлері қатысты. Ақтық кезең жарысының қатысушылары — бұл өз ұжымдары арасында іріктеуден өткен жеңімпаздар. 

Қазақстан жаңалықтары

Заира Сабитова

13 қазан 2024

Шығыс Қазақстанда халықаралық бүркітшілер фестивалі мәресіне жетті

Шығыс Қазақстан облысы Ұлан ауданының Бозанбай ауылында орналасқан Бүркіт төбе алаңында дәстүрлі халықаралық «Шығыс Салбұрыны» бүркітшілер фестивалі өтті. Екі күнге созылған фестивальде әлемнің бірнеше елінен келген құсбегілер сайысқа түсті. Атап айтқанда, Моңғолия, Қытай, Қырғызстан, Ресей және Мажарстаннан қатысушылар шақырылған. ШҚО туризм және спорт басқармасының мәліметіне сүйенсек, бұл шараны өткізудегі негізгі мақсат - қазақ халқының бай мәдени мұрасын жандандырып, ұлттық спорт пен құндылықтарды дәріптеу арқылы саламатты өмір салтын насихаттау,. 

Қазақстан жаңалықтары

Заира Сабитова

13 қазан 2024

Биыл елімізде 3,8 млн бала профилактикалық тексеруден өтті

Қазақстанда қаңтар мен қыркүйек аралығындағы кезеңде 18 жасқа дейінгі 3,8 млн.бала профилактикалық тексеруден өтті. Туған сәттен бастап 6 жасқа дейін скринингтің 4 түрі жүргізіледі, бұл жаңа туған нәрестеде фенилкетонурия мен туа біткен гипотериозды анықтауға бағытталған неонаталдық, есту қабілетінің бұзылуын анықтауға арналған аудиологиялық, шала туған нәрестелердің ретинопатиясын анықтауға арналған офтальмологиялық және психофизикалық скрининг. 

Қазақстан жаңалықтары

Заира Сабитова

13 қазан 2024

5 баланың өмірін қиған Жітіқарадағы өрт: Облыс әкімі мәлімдеме жасады

Қостанай облысының әкімі Құмар Ақсақалов Жітіқарадағы қайғылы оқиғаның мән-жайына тоқталды. Облыс басшысы Жітіқарадан келіп, Рудный қаласының тұрғындарымен кездесуінде болған жайтқа қатысты пікір білдірді. «Енді комиссия тексереді. Біз қазір осындай қайғылы оқиғалардың алдын алуы тиіс болған қызметтер өз міндетін атқарды ма, жоқ па, тексеріп жатырмыз. Біріншіден, есепте тұрған отбасыларды газ анализаторларымен жабдықтауымыз керек. 2019 жылы ол үйге газ анализаторы орнатылған. Ол жұмыс істеп тұрған», — деді ол. 

Қазақстан жаңалықтары

Заира Сабитова

13 қазан 2024

«Ешқандай ереуіл болмайды»: Талғарда қаза тапқан 16 жастағы жасөспірімнің әкесі мен Айтбек Амангелді үндеу жасады

Талғарда кісі қолынан қаза тапқан 16 жастағы жасөспірім Шерзат Болаттың әкесі мен қорғаушысы Айтбек Амангелді мәлімдеме жасады. «Біз Шерзаттың әкесі Қаржаубай екеуіміз 14 қазан күіні ешқандай митингіге шығудың қажеті жоқтығын айтқымыз келеді. Митинг болмайды. Қазір тергеу жүріп жатыр. Экспертизалар жасалады. Бұл ереуіл тергеу амалдарына кері әсер етуі мүмкін. Бұл пайдасыз әрекет», — деді Айтбек Амангелді. 

Қазақстан жаңалықтары

Заира Сабитова

13 қазан 2024

Талғардағы трагедия: өрт қылмысы бойынша айғақтар алынды, сараптамалар жүргізіліп жатыр

Ішкі істер министрінің бірінші орынбасары Бауыржан Аленов пен Алматы облысының прокуроры Берік Адамов Талғар ауданындағы үйді өртеу фактісі бойынша тергеу барысы туралы хабарлады.  Бауыржан Аленовтың айтуынша, қылмыс жасалған сәттен бастап, яғни 4 қазаннан бері Талғар ауданында министрдің бірінші орынбасары бастаған ІІМ орталық аппараты қызметкерлерінен құралған жедел-тергеу тобы жұмыс істеп жатыр. 

Қазақстан жаңалықтары

Заира Сабитова

12 қазан 2024

Қазақстандық ірімшік экспортқа шығарылады

Ақтауда Қазақстан мен шетелдік ірімшік өндірушілердің қатысуымен форум өтіп жатыр. Халықаралық шараға Франция, Нидерланды және Ресейден мамандар келген. Әлемдік деңгейдегі сарапшылар, технологтар мен ғалымдар сүт өнімдері, балмұздақ және ірімшік өндірісіндегі жаңа технологиялар мен озық әдістерді талқылауда. 

Қазақстан жаңалықтары

Заира Сабитова

12 қазан 2024

Қазақстан жолшылары алғаш рет Еуропа чемпионатына қатысты

Қар тазалау техникасы операторлары арасында қысқы күтіп-ұстау жұмыстары бойынша Германияның Мендиг қаласында Еуропа чемпионаты өтті. Көлік министрлігінің мәлім етуінше Қазақстан мамандарының аталған іс-шараға қатысуы жолшылардың халықаралық кәсіби қоғамдастығына қосылғанымен тең.