Қазақстан құрамасы футзалдан Өзбекстанда өтетін әлем чемпионатына жолдама алды, - деп хабарлайды Arbat.media.
Жақсылық Үшкемпіров атындағы жекпе-жек сарайында өткен ойында Игита бастаған футзалшылар Нидерланд құрамасын 2:0 есебімен жеңді.
Кездесудің 1 минутында Біржан Оразов командасын алға шығарса, 7 минутта Дуглас Джуниор есепті еселей түсті. Ойынның екінші бөлігінде гол соғылған жоқ.
Айта кетейік, Қазақстан ұлттық құрамасы 20 желтоқсан күні Өзбекстанда өтетін әлем чемпионатының іріктеу кезеңіндегі соңғы ойынын Румынияға қарсы өткізеді.
