Спорттық гимнастикадан әлем кубогында екі алтын медаль алдық

Мажарстанның Сомбатхей қаласында аяқталған спорттық гимнастикадан әлем кубогында Ұлттық құрама 2 алтын медаль жеңіп алды. Спортты дамыту дирекциясының мәліметінше, финалдың алғашқы күні тіреніп секіру сайысында Дарья Ясинская жаттығуын тамаша орындап, топ жарды. Ұпай саны - 13.166. Бұл – 20 жастағы Дарьяның Әлем Кубогындағы алғашқы жүлдесі, - деп хабарлайды Arbat.media.

Осыдан кейін тіреніп секіруден ерлер арасындағы сында Асан Салимов қарсыластарынан үздік шықты. Оның ұпайы - 14.300, - деп жазады Kazinform агенттігі.Фото: Спортты дамыту дирекциясы

Ал тұтқалы ат снарядында финалға шыққан Азиз Ильясов 4-орынға, керме жаттығуында Диас Тойшыбек 5-сатыға тұрақтады.

Айта кетейік, осымен 2024 жылға жоспарланған Challenge Cup series жарыстары аяқталды. Биыл әлем кубогы Анталья, Осиек, Варна, Копер және Сомбатхей қаласында өтті.Sporttı damıtw dïrekcïyası