Новости: Шерзат Болат

16 қазан 2024 / Новости Казахстана

Талғардағы қылмыс: Ұсталғандардың арасында бұрын сотталғандар да бар

Брифинг барысында қылмыс болған күні дүкен маңындағы камералардың толық бейнежазбасы көрсетіліп, оқиға сәттерін мамандар түсіндірді. Бауыржан Әленов желіде тарап жатқан камера жазбалары өшірілген деген ақпараттың шындыққа жанаспайтынын мәлімдеді. 

16 қазан 2024 / Новости Казахстана

«Шерзаттың өлімі». Құзырлы органдар көкейтесті сұрақтарға ашық жауап берді

16 жастағы жігіттің өлімімен аяқталған Талғардағы төбелеске қатысты тағы үш күдікті ұсталды. Осылайша қазір аталмыш қылмыспен қамауға алынғандар 10 адам болды. Бүгін құзырлы органдар сол күнгі дүкендегі бейнежазбаны тілшілерге көрсетіп, ақысы төленбеген сырадан жанжал шықты дегенді теріске шығарып отыр. Сатып алушы мен марқұм Шерзаттың арасында кикілжің неден туындағанын сотта естуіміз мүмкін. Өйткені прокурор соттың ашық өтуін талап ететінін айтты. Ал оқиға орнында қыздар не істеп жүрген және»Хуторлық Хасан» дегеннің іске қандай қатысы бар? Жұрт көкейінде жүрген сан-сауалға полиция арнайы брифингте жауап берді. 

15 қазан 2024 / Новости Казахстана

Талғардағы жасөспірімнің өлімі: қаладағы қазіргі жағдай қалай

Қазан айының басында Талғарда қазақстандықтарды дүр сілкіндірген қайғылы жағдай болды. 16 жастағы Шерзат Болаттың кісі қолынан қаза табуы қоғамда үлкен резонанс тудырды. Бірнеше күннен кейін көрші Азат ауылында марқұмның отбасы тұратын үйде өрт шықты. Осының бәрі тұрғындардың бойына қорқыныш ұялатты. Ол туралы олар әлеуметтік желілер арқылы жеткізді. Талғарға Kazinform агенттігінің фототілшісі барып, жергілікті тұрғындармен тілдесіп, шаһардағы қазіргі жағдайды біліп қайтты. 

14 қазан 2024 / Новости Казахстана

Талғардағы трагедия: қоғамдық тәртіпті қадағалау үшін Ұлттық ұлан әскері жұмылдырылды

Алматы облысының Талғар қаласында қоғамдық тәртіп пен тұрақтылықты қадағалау қызметін атқару үшін ҚР ІІМ Ұлттық ұлан әскери бөлімінің жеке құрамы жұмылдырылды. «Өткізілетін іс-шаралар қауіпсіздікті қамтамасыз етуге және қоғамдық тәртіпті сақтауға бағытталған. Азаматтардан әскерилердің міндетіне түсіністікпен қарауды сұраймыз», — деп хабарлады Ұлттық ұланының баспасөз қызметі. 

12 қазан 2024 / Новости Казахстана

Талғардағы қаралы үйдің өртенуі - Бас прокуратура мәлімдеме жасады

Алматы облысында жанжал кезінде қайтыс болған Шерзат Болаттың үйі бүгін түнде өртенді. Бұл жағдайға байланысты Бас прокуратура мәлімдеме жасады. Бас прокуратура мәліметіне сәйкес, қылмыстық iс Қазақстан Республикасы Бас прокурорының бақылауына алынды. Сондай-ақ қылмысты ашу үшін ведомствоаралық жедел-тергеу тобы құрылды. 

12 қазан 2024 / Новости Казахстана

Алматы облысының әкімдігі Талғарда үйі өртенген отбасыға көмектеседі

Алматы облысының әкімдігі бүгін түнде үйі өртенген марқұм Шерзат Болаттың отбасына көмек берілетінін хабарлады. Әкімдік мәліметіне сәйкес, оларға жөндеу жұмыстары аяқталғанша уақытша баспана және өртенген үйді жөндеуге көмек беріледі. 

12 қазан 2024 / Новости Казахстана

Талғарда 16 жасар Шерзаттың үйі өртенді - полиция отбасыны қорғауға алды

Алматы облысында Талғардағы жанжал кезінде қайтыс болған 16 жасар Шерзат Болаттың үй өртенді. ТЖД мәліметіне сәйкес, 12 қазан күні сағат 00:50-де үйді жалын шарпыған. Өрт 01:38 оқшауланып, сағат 01:43-де толығымен жойылған. -Құрбандар мен зардап шеккендер жоқ. Өрттің себебін анықтау үшін Алматы облысы ТЖД зерттеу сынақ өрт зертханасы мен анықтау бөлімінің қызметкерлері оқиға орнында, - деп хабарлады ТЖД. Алматы облысының Полиция департаменті Бөтеннің мүлкін қасақана жою фактісі бойынша іс қозғалғанын хабарлады. Қазіргі уақытта куәгерлерден жауап алынып, сондай-ақ бейнебақылау камераларының жазбалары зерттеліп жатыр. 

11 қазан 2024 / Новости Казахстана

Талғарда мерт болған жасөспірімнің әкесі үндеу жасады

Талғарда кісі қолынан құрбан болған Шерзат Болаттың әкесі Қаржаубай Нұрымов қазақстандықтарға үндеу жасады. «Құрметті қазақ елі! Сіздердің алдарыңызда басымды иемін. Көп-көп рахмет сіздерге. Мені қолдап, балам үшін қол ұшын беріп жатырсыздар. Мен Қонаев қаласының ішкі істер департаментінен келдім. Ол жерде іс оң жағынан қаралып жатыр. Бізге адвокаттар келіп көмектесіп жатыр. Марқұм болған Салтанаттың ағасының да көмегі бар, ол кісіге де алғысымды айтамын. Өтінішім бар, халқым. Ешқандай митингіге шықпаңыздар, қантөгіс болмасын. Мен бар жерде адамдар шоғырланса, сол сәтті менің дұшпандарым пайдалануы мүмкін. Көтеріліс жасап, мені аяқтан шалып, бауырыма қастандық жасауы мүмкін. Сол себепті халқым, өтініп сұраймын, ешқандай көтерілістің керегі жоқ. Мен тек заң аясында дұрыс, әділ шешім сұраймын. Артық ештеңе сұрамаймын», — деді Қаржаубай Нұрымов. 

10 қазан 2024 / Новости Казахстана

Талғардағы адам өлімі: жасөспірім қандай жарақат алды

Талғар орталық аудандық ауруханасының дәрігерлері төбелес кезінде мерт болған жасөспірім Шерзат Болат пен оның туысы қандай жарақаттар алғаны туралы айтты. Талғар аудандық ауруханасының баспасөз қызметі мәлім еткендей, жасөспірімді және тағы бір зардап шегушіні емдеу мекемесіне Шерзаттың әкесі 4 қазанға қараған түні сағат 00:58-де жеткізген.