Әлемде 736 миллион әйелдің 3/1-і жыныстық зорлық-зомбылыққа ұшырайды

Астанада «Тұрмыстық зорлық-зомбылықпен күрес: проблемалары мен шешімдері» атты халықаралық ғылыми-тәжірибелік конференцияда Адам құқықтары жөніндегі уәкіл Артур Ластаев бірқатар мәлімет айтты, - деп хабарлайды Arbat.media.

 «БҰҰ Әйелдер ұйымының мәліметі бойынша, әлемдегі 736 миллион әйелдің үштен бірі физикалық немесе жыныстық зорлық-зомбылыққа ұшырайды. Жыл сайын дүниежүзінде 45 мыңнан астам әйел серіктестерінің қолынан қаза табады. 155 елде тұрмыстық зорлық-зомбылық туралы заң бар, ал 140 елде жұмыс орнындағы жыныстық зорлық-зомбылық туралы заң бар. Дегенмен, бұл заңдарды орындауда проблемалар әлі де жеткілікті, заңсыз шабуылдар жиі жазасыз қалады. Бұл үлкен шығындарды – денсаулық сақтау саласына ауыртпалықты, өнімділікті жоғалтуды және сот шығындарын тудырады», - деді спикер.

Уәкіл тұрмыстық зорлық-зомбылықтың қауіптілігін елемеуге болмайтынын, ол тек адамға зиян келтіріп немесе өлімге әкеліп қана қоймай, балаларды жетім күйге түсіреді әрі күйзеліске ұшырататынын айтты. Сондай-ақ спикер Қазақстанның посткеңестік кеңістікте бірінші болып (2009 жылы) тұрмыстық зорлық-зомбылықпен күресу, оны айқындау және құқықтық жауапкершілікті белгілеу туралы құқықтық актіні қабылдағанын ерекше атап өтті. 

Артур Ластаев үйдегі тирандарды жазалаумен қатар, тұрмыстық зорлық-зомбылық жағдайларының алдын алу мен жоюға да баса назар аудару қажет деп есептейді. 

«Білім деңгейі, құқықтық сана, гендерлік стереотиптерді жою, салауатты өмір салтын және күнделікті әдеттерді насихаттау аталған бағыттағы маңызды аспектілер болып саналады. Қоғамда зорлаушылар мен жәбірлеушілерге төзбеушілік ахуалы қалыптасып, олар әдеттегі қарым-қатынас ортасында қалыпты жағдайда болуы керек», - деді спикер.