Алматыда Ерте араласу орталығы құрылды

Алматы қаласы әкімдігінің қаулысына сәйкес Жұмыспен қамту және әлеуметтік бағдарламалар басқармасы жанынан Ерте араласу орталығы құрылды. Сондай-ақ Денсаулық сақтау, Білім беру және Әлеуметтік қорғау басқармаларының қызметін үйлестіруді қамтамасыз ететін ерте араласу жөніндегі ведомстволық өзара іс-қимыл регламенті бекітілді, - деп хабарлайды Arbat.media.

Енгізілген ерте араласу үлгісі баланың дамуындағы ауытқушылықтарды ерте анықтау және бағалау, баланың ата-анасын қолдау, көрсетілетін қызметтерді үйлестіру, баланың үлгерімін үнемі қадағалау арқылы үздіксіз бағалау және бақылау принциптеріне негізделген, - деп жазады Kazinform агенттігі.

Бағдарламаның бірегейлігі – бала дүниеге келген кезінен бастап үш жасқа дейінгі физикалық, когнитивті, эмоционалды және әлеуметтік даму үшін маңызды кезеңді қамтиды.

Ерте араласу бағдарламасын тиімді іске асыру және қадамдық қолжетімділікті қамтамасыз ету үшін Алматы қаласының әрбір ауданында Жұмыспен қамту және әлеуметтік бағдарламалар басқармасының ведомстволық бағынысты ұйымдарының базасында ерте араласу қызметтері жұмыс істейтін болады. Оның құрамына: даму педиатры, психолог, әлеуметтік педагог, физио және кәсіптік терапевттер, логопед және әлеуметтік қызметкер кіретін мамандар кіреді.

«Ерте араласу орталығын құру – біздің балаларымыз үшін инклюзивті болашаққа бастар жолдағы маңызды қадам. Біз қиындықтарға қарамастан әр бала дами алатын жағдай жасауға тырысамыз. Ерте араласу бағдарламасы балалардың мүгедектік деңгейін төмендетуге және балаларды білім алу және әлеуметтік өмірге толық енгізуге дайындауға көмектеседі», - деді Алматының Жұмыспен қамту және әлеуметтік бағдарламалар басқармасының басшысы Бауыржан Жаубасов.

Сонымен қатар осы жылдың қазан айында Санкт-Петербург қаласының Ерте араласу институтында Ерте араласу орталығының мамандарын оқыту жоспарланған.