Германия Қазақстанмен ынтымақтастықты кеңейтуге ниетті

Германия Қазақстанмен ынтымақтастықты кеңейту ниетін мәлімдеді. Қазақстандық жобаларға инвестициялардың қауіпсіздігінің жоғары деңгейі атап өтілді. Астанада ҚР Премьер-Министрінің бірінші орынбасары Роман Скляр мен Германия экономикасының Шығыс комитеті басқарма басшысы Катрина Клаас-Мюльхаузердің қатысуымен Берлин Еуразиялық клубының 40-шы отырысы өтті, - деп хабарлайды Arbat.media.

ҚР Премьер-Министрінің баспасөз қызметінің хабарлауынша, кездесуде Қазақстан мен Германия арасындағы ынтымақтастық мәселелері, әсіресе сауда-экономикалық қарым-қатынас пен инвестиция саласындағы мәселелер талқыланды.

Германия Қазақстандағы саяси тұрақтылық пен инвестициялардың қауіпсіздігін мойындады – инвестицияға кепілдік берудің жеңілдікті тәртібі қарастырылған.

Германия сонымен қатар ауыл шаруашылығы, тау-кен металлургия, энергетика, көлік және логистика сияқты экономиканың түрлі салаларында бірлескен жобаларды әзірлеуге ниетті.

Роман Скляр Германия экономикалық делегациясының өкілдерімен кездесіп, әріптестікті тереңдету жолдарын талқылады.