Сауалнама: Қазақстандықтардың 76 пайызы Президент Тоқаевтың жұмысына көңілі толады

«Стратегия» әлеуметтік және саяси зерттеулер орталығы халықтың билік органдарының қызметін қолдауына баға берді, - деп хабарлайды Arbat.media.

«Бұқаралық ақпарат құралдарында жиі жарияланатын орталық билік органдарының рейтингі сияқты әлеуметтану өнімі соңғы кездері сирек кездеседі. «Стратегия» қоғамдық қоры осындай қоғамдық рейтингті соңғы рет 2022 жылдың наурызында жасаған еді. Осыған байланысты 2023 жылдың күзінде біз Еуразиялық монитор әдістемесі бойынша зерттеу жүргізуді ұйғардық. Онда әлеуметтік әл-ауқат, халықтың өміріне қанағаттану мәселесінен басқа билік органдарының қызметін мақұлдауды бағалау ұсынылады. Осылайша 2023 жылғы желтоқсанда бүкіл ел бойынша 2400 респонденттің сауалнамасы нәтижесінде Президент Қ. Тоқаевтың қызметін мақұлдау рейтингі 76,4%-ды құрады. Оның жұмысын мақұлдамағандар – 14,1%, әрбір оныншы респондент жауап беруге қиналған», - деп жазылған орталық хабарламасында.

Президенттің үш жылдағы жұмысын мақұлдау көрсеткіші бойынша ең төменгі деңгей 2021 жылы тіркелген (бұл көрсеткішке пандемия айтарлықтай әсер етті), кейінірек мақұлдау рейтингі 2020 жылдың басындағы жағдайға қайта оралды.

«Бір қызығы, мақұлдамайтындардың саны 2022 және 2023 жылдармен бір деңгейде қалып отыр (14%): әсіресе бұл - қала тұрғындары мен табысы төмен респонденттер. Алайда, бұл рейтингтің сенсациясы ретінде екінші орынға ҚР Парламенті жайғасқанын айтуға болады, әдетте екінші орында ҚР Үкіметі болатын. Сондай-ақ, 2021 жылғы рейтингтің күрт төмендеуінен өткен Парламент желтоқсандағы сауалнамада 50%-дан жоғары мақұлдау көрсеткішін алды. Парламент жұмысын мақұлдамайтындар саны 35% деңгейінде қалып отыр. Олардың ішінде – қала тұрғындары, 35-54 жастағы тұрғындар, сондай-ақ ең аз қамтылған топ бар (ақша тіпті тамақтануға да жетпейді). Үкіметке келсек, жоғарыда айтылғандай, 2007 жылдан бастап Үкімет қызметті мақұлдау рейтингінде бірінші рет 47% көрсеткішпен үшінші орынға тұрақтады. Смайылов Үкіметіне қала мен ауыл тұрғындары бірдей наразы, мұнда көбінесе 45-54 жас аралығындағы және 65 жастан асқан респонденттер, табысы төмен респонденттер бар», - деп келтірілді зерттеу деректері.