Жетісу облысында көп балалы ана өзіне қол жұмсап өлді

Жетісу облысында көп балалы ана өзіне қол жұмсап өлді, - деп хабарлайды Arbat.media.

Әйел 28 желтоқсан күні кешке Ақсу аудандық ауруханасына жеткізілген. Келесі күні ол жансақтау бөлімінде қайтыс болды. Марқұмның туыстары мен достары қаржылық қиындықтар оны шарасыз әрекетке итермеледі деп санайды.

Ауруханаға 35 жастағы Балжан Өзбекованы құрбысы алып келген. Көпбалалы ана өз өмірін қимақ болғанын мойындаған.

Балжанның артында төрт баласы қалды, кенжесі бір жаста. Күйеуі Алматыда құрылысшы болып жұмыс істейді. Қайғылы оқиғадан хабардар болған ол сол күні-ақ туған ауылына аттанған.

Ақсу ауданының орталық аудандық ауруханасына жеткен бойда Балжан Ұзабекова бірден жансақтау бөліміне жатқызылды. Таңертең дәрігерлер қатты уланудан қайтыс болғанын растады. Оның өмірін сақтап қала алмауына ауруханаға кеш баруы себеп болған.

Марқұмның туыстары оқиғаға аудан әкімін кінәлап отыр.

«Оған шарасыз әйел, көп балалы ана көмек сұрап келді. Ол ең болмағанда оны тыңдап, оны тоқтатып, ауруханаға баруға көндіруі керек еді. Бірақ оның орнына біздің үйге полицейлерді жіберді. «Олардың жүзінен жақсы ниетпен келмегені көрініп тұрды, келінімнің облыс әкіміне тіл тигізгенін айтып, жауапқа тартқысы келді. Балжан үйде жоқ екен, соған көз жеткізіп, кетіп қалды», – дейді марқұмның енесі Назгүл Әлімбек. 

Әкімнің өзі жағдайды мүлде басқаша сипаттайды.

«Ол менің бөлмеме кіріп, бос дәрі-дәрмек пакеттерін үстелге лақтырып, өлгісі келетінін айтып, мені балағаттап, кабинеттен жүгіріп шықты. Мен бірден полицияға хабарласып, оны табуды сұрадым. Маған сенбесеңіз, біз тергеушілерге тапсырған бейнебақылау камерасының жазбаларын көре аласыз. Олар істің барлық мән-жайын анықтап, оның өліміне кінәлілерді табады», - деді шенеунік.

ҚР Қылмыстық кодексінің 105-бабы «Өзін-өзі өлтіруге итермелеу» бойынша қылмыстық іс қозғалды. Барлық қажетті сараптамалар тағайындалды.