Грузия парламенті бір минут ішінде «шетел агенттері» туралы заңды қолдады

Грузия парламенті бір минут ішінде «шетел агенттері» туралы заңды қолдады.Соңғы дауыс беру — ертең, - деп хабарлайды Arbat.media.

Грузия парламентінің заң комитеті 67 секунд ішінде «шетел агенттері» туралы жанжалды заңды қарап, қолдады, деп хабарлайды «Эхо Кавказа» басылымы.

Биліктегі «Грузин арманы» партиясының депутаттары қауіпсіздік күші наразылық білдірушілерді итеріп, кейбірін соққыға жыққан соң парламент ғимаратына келді, деп жазады газет.

14 мамырда «Грузин арманы» депутаттары заң жобасын үшінші – соңғы оқылымда мақұлдамақшы.

Заң жобасы қабылданса, шерушілерді қолдайтын Грузия президенті Саломе Зурабишвили оған вето қоюға уәде берді.