«Әлем аруы-2023»: Томирис Заир отандастарына алғысын білдірді
«Әлем аруы-2023» сұлулық байқауына Қазақстан атынан қатысқан Томирис Заир финалдан кейін өзіне қолдау көрсеткен отандастарына алғысын білдірді, - деп хабарлайды Arbat.media.
«Қазақстан, қолдау көрсеткенің үшін рахмет! Мен сені жақсы көремін! Бұл — керемет тәжірибе және осындай ауқымды жобада сүйікті елімді таныстыруға тамаша мүмкіндік алдым. Әрқайсыларыңызға сенімдеріңіз үшін, махаббаттарыңыз үшін рахмет», — деп жазды ол Instagram-дағы парақшасында.
Томирис байқаудың арқасында әлемнің түкпір-түкпірінен келген қыздармен танысып, олардың мәдениетін аз да болса білгенін тілге тиек етті.
20 жастағы қазақстандық ару отандастарын өзін танытудан, жеке қарым-қабілетін көрсетуден қорықпауға және көп армандауға шақырды.
«Біз армандаған нәрсеге жету үшін мықтымыз, өйткені әрқайсымыз жақсы деген бағаға лайықпыз», - деп қосты Томирис Заир.
Томирис Заир – Miss Almaty-2022 және Vice Miss Qazaqstan-2022 атақтарының иегері. Ол екінші курс студенті, «маркетинг» мамандығы бойынша білім алып жүр. Соңғы 4 жылдан бері модель болып жұмыс істейді. 6 жасынан бастап музыка мектебінде домбыра мен фортепиано үйренді.
«Әлем аруы-2023» 72-ші халықаралық сұлулық байқауында отандасымыз бірнеше образда өнер көрсетті.
Еске сала кетейік, «Әлем аруы» байқауында Никарагуа өкілі жеңіске жетті.