Мүгедек кейпіне еніп, қайыр сұраған семейлік 5 тәулікке қамалды

Мүгедек кейпіне еніп, қайыр сұраған семейлік 5 тәулікке қамалды, деп хабарлайды Arbat.Media.

Семей қаласында полицейлер Засядко көшесіндегі сауда үйлерінің бірінің маңында қайыр сұрап жүрген 39 жастағы жергілікті тұрғынды ұстады. Ер адам инсульт алған науқас кейпіне еніп, азаматтарды алдаған.

Әлеуметтік желілерде қоғам белсенділерінің бірі бұл азаматқа шын мәнінде көмек қажет деп ойлап, материалдық қолдау көрсеткені белгілі болды. Кейіннен тұрғындардан бұл адамның денсаулығында кінәрат жоқ және мүгедек еместігі жөнінде ақпарат түскен.

Семей қаласының мамандандырылған әкімшілік сотының қаулысымен ол 5 тәулікке әкімшілік қамауға алынды.