Республикалық маңызы бар жолдардың 27 учаскесі жабық
Сағат 23:00-дегі жағдай бойынша Республикалық маңызы бар жолдардың 27 учаскесі жабық, - деп хабарлайды Arbat.media.
Бұл туралы республикалық маңызы бар автомобиль жолдарының ұлттық операторы жариялады.
«2023 жылғы 18 қарашада ауа-райының нашарлауына байланысты (қар, боран, жол бойындағы көрінудің шектелуі) көлік қозғалысына шектеу Ақмола (13), Қостанай (5), СҚО (9) облыстарында енгізілді. Жалпы республикалық маңызы бар автожолдардың 27 учаскесі жабық»,-делінген хабарламада.
Ақмола, Қостанай және Солтүстік Қазақстан облыстарында ауа райының қолайсыздығына байланысты көлік қозғалысы шектелді.
18 қарашадағы кешкі сағат 19.45-тегі жағдай бойынша ауа-райының қолайсыз жағдайына байланысты (қар, боран) көлік құралдарының қозғалысын шектеу Ақмола (9), Қостанай (5), Солтүстік Қазақстан (8) облыстарындағы республикалық маңызы бар автожолдардың 22 учаскесінде қолданылады.
Республикалық маңызы бар автожолдарда 164 арнайы техника мен 190 жолшы жұмылдырылды.