Журналист
Сингапурда жүзуден әлем кубогының бірінші кезеңі басталды. Жарыстың алғашқы күнінде отандастарымыз екі ұлттық рекорд орнатты.
Қарағанды облысында салынып жатқан зауытта жұмысшы қаза тапты. Бұл жайт бойынша қылмыстық іс қозғалды. Қайғылы оқиға бүгін, 3 қарашада зауыт аумағында болды. «Салынып жатқан Qaraghandy power Silicon зауытында монтаждау және дәнекерлеу жұмыстарын жүргізу кезінде қосалқы мердігер компанияның қызметкері биіктіктен құлап, мерт болды. Еңбек инспекциясы департаменті осы оқиғаны тергеу жөнінде комиссия құрады», - дейді еңбек инспекциясы департаментінің баспасөз қызметі.
Еуропа қайта құру және даму банкі Павлодар қаласына трамвайлар сатып алуға 5 млрд теңге қаражат бөлетін болды. Жаңа вагондар автономды жүру мүмкіндігіне ие.Павлодар облысының әкімдігі мен Еуропа қайта құру және даму банкі арасында трамвай желісін жаңғырту жөніндегі жобаны қолдау туралы келісім-шартқа, сондай-ақ «Павлодар қаласының трамвай басқармасы» АҚ мен ЕҚДБ арасында несиелік келісімге қол қойылды.
Қазақстандық боксшы Елянұр Тұрғанова жастар арасындағы 2024 жылғы әлем чемпионы атанды. Черногорияның Будва қаласында өтіп жатқан дүбірлі додада 50 келіде сынға түскен Елянұр бейтарап спортшы ретінде қатысқан Карла Пикті қапы қалдырды. Ол жекпе-жек барысында жинақы қимыл көрсетті. Қарсыласына көбірек соққы жасады. Екінші раундта қарсыласын екі мәрте нокдаунға жіберді. Жекпе-жек қорытындысында төрешілер бірауыздан Елянурдің жеңісіне қолдау білдірді.
Черногорияның Будва қаласында өткен жастар арасындағы 2024 жылғы әлем чемпионатында қазақстандық боксшылар 17 медаль алды. Әлемдік додада еліміздің ұлдар және қыздар құрамасы 6 алтын, 1 күміс, 9 қола медальға қол жеткізді.
Иранда наразылық ретінде жалаңаштанған студент қыз ұсталды. Amnesty International ұйымы оны босатуға шақырады. Жеке наразылық видеосы 2 қарашада ирандық әлеуметтік желілерде тарап кетті. Кадрларда белгісіз әйелдің іш шешініп, көшеде кетіп бара жатқанын және Тегерандағы Азад университетінің жанындағы тас парапеттің үстінде отырғанын көруге болады. Куәгерлер түсірген бейнелерді ирандық студенттердің Amir Kabir ақпараттық арнасы, сондай-ақ Hengaw құқық қорғау ұйымы, Iran Wire жаңалықтар сайты және басқа да парсы тіліндегі БАҚ жариялады.
Бокстан жастар арасындағы әлем чемпионатында Қазақстан қандай медаль жеңіп алды? Қазақстан боксшылары 2024 жылы Будвада (Черногория) өткен жастар арасындағы әлем чемпионатында өнер көрсетті. Турнир қорытындысында Қазақстан құрамасы он жеті медаль жеңіп алды – алты алтын, бір күміс және он қола.
Қазақстан боксшыларының 2024 жылы Будвада (Черногория) өткен жастар арасындағы әлем чемпионатында жеңіп алған медальдары үшін ақшалай сыйақысы белгілі болды. Қазақстан бокстан әлем чемпионатының медальдар есебін мерзімінен бұрын жеңіп алды. Бұл турнирде Қазақстан он жеті медаль жеңіп алды: алты алтын, бір күміс және он қола. Чемпиондар мен жүлдегерлер үшін Халықаралық бокс қауымдастығы (ХБА) келесі ақшалай марапаттарды белгіледі: алтынға – 8000 доллар, күміске – 4000 доллар, қола үшін – 2000 доллар.
Жаңа егіннің 1,8 млн тоннасы экспортқа шығарылды. Бұл туралы ҚР Ауыл шаруашылығы министрлігінің баспасөз қызметі хабарлады. «Қазақстан темір жолы» АҚ-ның мәліметтері бойынша, қыркүйек-қазан айларында жаңа егіннің тасымалы 2,2 млн тоннадан асты, оның 1,8 млн тоннасы экспортқа шығарылды. Бұл көрсеткіш өткен жылдың осы кезеңімен салыстырғанда 30%-ға жоғары».