Қарағанды облысында құрылыс нысанында жұмысшы қаза тапты

Қарағанды облысында салынып жатқан зауытта жұмысшы қаза тапты. Бұл жайт бойынша қылмыстық іс қозғалды. Қайғылы оқиға бүгін, 3 қарашада зауыт аумағында болды. «Салынып жатқан Qaraghandy power Silicon зауытында монтаждау және дәнекерлеу жұмыстарын жүргізу кезінде қосалқы мердігер компанияның қызметкері биіктіктен құлап, мерт болды. Еңбек инспекциясы департаменті осы оқиғаны тергеу жөнінде комиссия құрады», - дейді еңбек инспекциясы департаментінің баспасөз қызметі, - деп хабарлайды Arbat.media.

Полиция бұл дерек бойынша қылмыстық іс қозғалғанын хабарлады, - деп жазады Kazinform агенттігі. 

«Салынып жатқан Qaragandy Power Silicon зауытында жазатайым оқиға фактісі бойынша ҚР ҚК-нің 156-бабы, 3-бөлігі «абайсызда адам өліміне әкеп соққан еңбекті қорғау ережелерін бұзу» бойынша сотқа дейінгі тергеу басталды. Бірқатар қажетті сараптама тағайындалды. Оқиғаның мән-жайы анықталып жатыр», - деп хабарлады Қарағанды облысы ПД баспасөз қызметі.