Аннексияланған Қырымда ондаған мың адам жарықсыз қалды

Аннексияланған Қырымда ондаған мың адам жарықсыз қалды. Бұл туралы ресейлік мемлекеттік БАҚ хабарлады. РИА Новости агенттігінің хабарлауынша, Керчь қаласы мен оған жақын орналасқан ауылдардағы 360-тан астам қосалқы станция электр қуаты берілмей, 53 мыңнан астам адам жарықсыз қалды, - деп хабарлайды Arbat.media.

Жергілікті Telegram арналары өрттің түсірілімдерін жариялайды.

Бірнеше электр станциясының өртенуі мүмкін екені хабарланды.

Оның себебі диверсия болуы мүмкін, деп жазады үкіметшіл Telegram Mash арнасы.

Бұл ретте ТАСС аннексияланған Қырымның «Отын және энергетика министрлігіне» сілтеме жасап, «жоғары вольтты қосалқы станцияда технологиялық бұзушылық» туралы хабарлайды.