Берлинде 8-9 мамырда орыс және әскери рәміздерге тыйым салынды

 8-9 мамырда Екінші дүниежүзілік соғыстың аяқталуын тойлау кезінде Берлин полициясы Трептов, Тиергартен және Шонголцер-Хейде саябақтары мен олардың маңындағы кеңестік мемориал аумағында Ресей рәміздерін көрсетуге тыйым салды, - деп хабарлайды Arbat.media.

Ресей туларына, Георгий ленталарына, киім-кешектерге, ордендерге, әскери және марш әндеріне, сондай-ақ Ресейдің Украинаға қарсы соғысын дәріптейтін рәміздерге, оның ішінде Z белгісіне тыйым салынады», - делінген қалалық полицияның мәлімдемесінде.

Тек Екінші дүниежүзілік соғыс ардагерлеріне, дипломаттарға және басқа да үкімет өкілдеріне рұқсат беріледі.

Сондай-ақ, шектеулер мемориалдар мен іргелес аумақтардан тыс митингілерге де қолданылмайды.

Берлиндегі Ресей елшілігі қала билігін кеңестік ескерткіштер аймағында Ресей туы мен рәміздеріне салынған тыйымды алып тастауға шақырды.

«Біз бұл тыйымды соғыстан кейінгі кезеңдегі Ресей мен Германия халықтары арасындағы тарихи татуласу рухына қайшы келетін кемсітушілік деп санаймыз», - делінген елшілік хабарламасында.