Берлинде тағы тәртіпсіздіктер: ондаған адам тұтқынға алынды

Берлинде тағы тәртіпсіздіктер: ондаған адам тұтқынға алынды, - деп хабарлайды Arbat.media.

Палестинаны жақтаған шеруге қатысушылар Берлиннің Нойкёльн ауданында пиротехника жағып, полицияға бөтелкелер мен тас лақтырды.

Бұл туралы Берлин полициясы X әлеуметтік желісінде хабарлады.

Берлин билігінің тыйымына қарамастан, халық палестиналықтарды жақтаған шеруге жиналған.

DPA агенттігі ондаған адам тұтқындалғанын хабарлайды.

Кеше кешке Палестинаны қолдауға рұқсат етілмеген шерулер өтіп, Гамбург пен Франкфурт-на-Майнеде қамауға алынғандар туралы да хабарланды.

Бір күн бұрын белгісіз біреулер Берлиндегі синагогаға от жағуға әрекеттеніп, Израильге қарсы басқа да әрекеттер болған.

Олар тосқауылдарды өртеп, полицияға пиротехникалық заттар мен тас атып, балалар ойын алаңын өртеп жіберген.

Полиция 360-тан астам құқық бұзушылықты тергеп жатыр, деп жазады Tagesschau.

«Еврей мекемелеріне қарсы лаңкестік шабуылдар, біздің көшедегі зорлық-зомбылық - бұл адамды жеккөрушілік, бұл жиіркенішті, біз бұған шыдамаймыз», - деді канцлер Олаф Шольц.

Синагогаға өрт қою әрекетін Германиядағы түрлі партиялардың өкілдері айыптады.