Еурокомиссия Украинаның ЕО-ға мүшелігі бойынша келіссөздерді бастауды ұсынды

Еурокомиссия Украинаның ЕО-ға мүшелігі бойынша келіссөздерді бастауды ұсынды, - деп хабарлайды Arbat.media.

ЕК есебінде келіссөздер процесін бастау, сондай-ақ басқа кандидат Молдовамен келіссөзді бастау ұсынылады.
ЕО-ға кандидат мәртебесін әлі алмаған Грузияға Еурокомиссия оны беруді ұсынады.

Ұсыныста Киевке сенімді және тәуелсіз сот жүйесін құрудан бастап, азшылықтардың құқықтарын қорғауға және сыбайлас жемқорлыққа қарсы шараларды енгізуге дейінгі негізгі салаларда көбірек ілгерілеу қажет деген «техникалық ескертпелер» бар.

2024 жылдың наурыз айында Еурокомиссия ЕО кеңесіне Украина мен Молдованың қалған шарттарды орындауы туралы есеп береді.

Бұл тармақтар бойынша Еуропалық комиссияның бағасына негізделген соңғы шешімді Еуроодақ елдерінің басшылары 14 және 15 желтоқсанда Брюссельде өтетін саммитте қабылдауы тиіс.

Бұл шешім, басқалары сияқты, ЕО-ның барлық 27 мүшесінің бірауыздан қолдауын талап етеді.