Германияда 3 миллионнан астам күн батареялары орнатылды

Германияда үйлердің төбесінде және алқаптарға 3 миллионнан астам күн батареялары орнатылды. Германияның Федералдық статистикалық басқармасының мәліметі бойынша, 2023 жылы олардың саны 29,8%-ға, ал соңғы бес жылда екі есеге артқан, - деп хабарлайды Arbat.media.

Өткен жылы күн энергиясы елдегі электр энергиясына деген сұраныстың рекордтық 11,9%-ын қанағаттандырды.

Сонымен қатар, күн энергиясы көптеген немістер үшін тиімді кәсіпке айналды.

Олар Германияның электр желісіне артық энергияны жеткізуден кіріс алады.

Статистикаға сәйкес, әрбір 20 неміс күн энергиясын сатудан ақша табады.

Бұл ретте Германияда күн батареяларын өндіру мен импорттау қарқыны төмендеуі мүмкін, деп болжайды мамандар.

Себебі, бұл электр тогының өте тұрақсыз түрі.

Табиғи түрде өндірістің шыңы жазда болады, ал қыста қондырғылардың өнімділігі 10 есе төмендейді.