КХДР 12 сағат ішінде екінші баллистикалық зымыранын ұшырды

Солтүстік Корея 12 сағат ішінде екінші баллистикалық зымыранын ұшырды, - деп хабарлайды Arbat.media.

Оңтүстік Корея әскерилері дүйсенбі, 18 желтоқсанда Солтүстік Корея Пхеньян маңындағы ауданнан теңізге қарай баллистикалық зымыранды ұшырғанын хабарлады.

Жапондық жағалау күзетінің мәліметінше, зымыран ұшырылғаннан кейін бір сағаттан соң Хоккайдоның батысындағы теңізге құлаған. Ол шамамен 6000 км биіктікте ұшты, ұшу қашықтығы 1000 км болды, деп хабарлады Жапония Қорғаныс министрлігі.

Министрлік мәлімдемесінде Токио Пхеньянның зымыран ұшыруына байланысты Бейжіңдегі дипломатиялық арналар арқылы қатаң наразылық білдірді.

17 желтоқсан күні кешке Солтүстік Корея қысқа қашықтықтағы баллистикалық зымыран ұшырды. Оңтүстік Корея әскерилерінің мәліметінше, ол шамамен 570 шақырым ұшып, теңізге құлаған.