Нидерландыда пиротехникасы бар көлік өртеніп кетті

Нидерландыда ішінде 75 келіге жуық пиротехникасы бар көлік өртеніп кетті, - деп хабарлайды Arbat.media.

Көлік иесі Hart van Nederland порталына Германияда отшашуларды сатып алып үйіне қайтып бара жатып, темекі тұтқылын терезеден лақтырып жібергенін айтты. Бірақ жел оны көлікке, отшашу тұрған жерге апарған. 

Көліктен түскен кезде оның жанып жатқанын ғана көрген. Құны жүздеген еуроны құрайтын отшашудың бәрі жарылған.

Көлік жүргізушісін күйік шалған. 

RTL Nieuws хабарлауынша, өрттен зардап шекпеген жолаушы келесі күні жаңа отшашу сатып алу үшін Германияға қайтып кеткен.