Путин Бесланға соңғы 15 жылда алғаш рет келді

Путин Бесланға соңғы 15 жылда алғаш рет келді. Ресей Президенті аумағында 2004 жылы №1 мектепте теракт кезінде қаза тапқандар жерленген мемориалдық кешенге және мектепке барды. Владимир Путин кепілге алынғандар ескерткішіне гүл шоқтарын қойды. Путин Бесланға 2004 жылы 4 қыркүйекте лаңкестік әрекеттен кейін бірден келген.  Сонымен қатар, Солтүстік Осетияның экс-көшбасшысы Таймураз Мамсуров журналист Юрий Дудтың фильміне берген сұхбатында Ресей президенті де 2008 жылы Бесланға теракт құрбандарының зиратына барғанын айтты, - деп хабарлайды Arbat.media.

Мұны Путиннің баспасөз хатшысы Дмитрий Песков растады.

Еске салсақ, 2004 жылдың 1 қыркүйегінде Бесландағы №1 мектепте мерекелік жиын кезінде содырлар 1200-ге жуық адамды – мектеп оқушылары, олардың ата-аналары мен мұғалімдерін кепілге алды.

Және оларды үш күн бойы спортзалда ұстады.

Үшінші күні жарылыстар естіліп, өрт басталды, ФСБ арнайы жасақтары шабуылды бастады.

314 адам, оның ішінде 168 бала қайтыс болды.

Лаңкестік әрекетті ұйымдастыру жауапкершілігін Шамиль Басаев алды.

2017 жылы Адам құқықтары жөніндегі Еуропалық сот қауіпсіздік күштерінің кепілге алынғандарды босату операциясын дайындау және өткізу кезінде бұзушылықтар барын анықтады.

АУЕС-ке 409 адам шағым түсіріп, сот жәбірленушілерге 2,9 миллион еуро көлемінде өтемақы өндіріп берді.

2022 жылдың қаңтарында Еуропа соты Ресейді қаза тапқандар мен бұрынғы кепілге алынғандардың туыстарына тағы 360 мың еуро төлеуге міндеттеді.