Ресейде Telegram-ға балама бар ма?
Ресейде Telegram-ға балама бар ма? Ресей Федерациясында кейбір шенеуніктерден Telegram-дан ресми хат-хабарларды жоюды сұрады және жыл соңына дейін мемлекеттік қызметкерлерді ресейлік Sreda мессенджеріне ауыстыруды жоспарлап отыр. Дегенмен ресейлік шенеуніктер DW-ге атын атамау шартымен Telegram, Signal қолдануды жалғастыратынын, ал кейбіреулері телефон нөмірін тіркеуді қажет етпейтін Element-ті үйрене бастағанын айтты, - деп хабарлайды Arbat.media.
Сонымен қатар, DW сөйлескен шенеуніктердің ешқайсысы өз жұмысында Sreda қолданбайды - дегенмен Цифрлық даму министрлігі мамыр айында бұл қызметте 350 мың пайдаланушы тіркелгенін мәлімдеді.
Украинаға қарсы агрессияға қатысқан ресейлік әскерилер де Telegram қолданудан бас тартқан жоқ.
Бір ай бұрын майданда болған ресейлік дезертирлердің бірі DW-ге оның әріптестері әлі де ақпарат алмасу үшін ортақ чатты қолданатынын айтты.
«Шынында маңызды деректер мен жауынгерлік миссияларға қатысты барлық нәрсе бетпе-бет берілді және беріліп жатыр», - деп түсіндірді ол.
Сарапшылардың пікірінше, Франциядағы Павел Дуровқа қатысты іс Ресейдегі Telegram-ның қолына түсуі мүмкін.
Ресей билігінің бұл мессенджерге тосқауыл қою енді саяси тұрғыдан тиімсіз, дейді "Роскомсвобода" басшысы Артем Козлюк.
Дуровтың бизнес жолы туралы кітаптардың авторы Николай Кононов Telegram ресейлік шенеуніктердің халықпен кері байланыс құралы болып қала беретінін айтады.
«Жалпы, шенеуніктер арасында Дуровты ақымақ деген ой бар, бірақ сонымен бірге оны «өз жігітіміз деп, Отанына мәжбүрлеп қайтарып, оны қандай да бір мемлекеттік мессенжеді басқартып қоюды ойластырып отыр», - деп есептейді Кононов.
