Шольц Ресейге неміс қаруымен шабуылдауға қарсы шықты

Шольц Ресейге неміс қаруымен шабуылдауға қарсы шықты. Германия канцлері Украинаның Ресей территориясына шабуыл жасау үшін неміс қаруын қолдануға рұқсат беруді жоспарлап отырған жоқ. Бұл туралы ол Германияның негізгі заңының 75 жылдығын мерекелеуде өткен қоғамдық талқылауында айтты, - деп хабарлайды Arbat.media.

Бүгінде Берлин мен Киев арасында қару-жарақ жеткізудің нақты ережелері келісілген, біз оны жүзеге асырдық, кем дегенде, мен солай ойлаймын», - деді канцлер.

Бір күн бұрын НАТО-ның бас хатшысы Йенс Столтенберг The Economist журналына берген сұхбатында Украинаның одақтастарын «Украинаға берген қару-жарақты қолдануға қойған кейбір шектеулерді алып тастау керек пе?» деп ойлануға шақырды.

Бұл ұсынысты Бундестагтың Еуропа істері жөніндегі комитетінің төрағасы Антон Хофрайтер қолдады.

Оның айтуынша, халықаралық құқық агрессор елдегі әскери нысандарға шабуыл жасауға рұқсат береді.