Жозеп Боррель: Палестиналықтардың бәрі террорист емес

Палестиналықтардың барлығы террорист емес, сондықтан оларды ХАМАС-тың Израильге жасаған шабуылы үшін жазалау «әділетсіз және өнімсіз» болар еді, деді Жозеп Боррель, - деп хабарлайды Arbat.media.

Әңгіме ЕО-ның Палестина аумақтарына көмегі туралы болып отыр.

Хамастың Израильге жасаған шабуылынан кейін Еуроодақ сыртқы істер министрлерінің көпшілігі Палестина ұлттық әкімшілігімен ынтымақтастықты жалғастыруды жақтады.
 
Сонымен бірге, ЕО мүшелерінің көпшілігі Еуропалық комиссияның «біздің қолдауымыз бен ХАМАС-тың лаңкестік әрекеттері арасында ешқандай байланыс жоқ екеніне көз жеткізу үшін бұл көмек қалай пайдаланылып жатқанын және оны кім алатынын» тексеру туралы ұсынысын қолдады, - деді Боррель.

Егер ЕО лаңкестерді байқаусызда қаржыландырғаны анықталса, «бұл үшін біреу саяси жауапкершілікті өз мойнына алуы керек., - деп хабарлайды Arbat.media.