13 тамызға арналған ауа райы болжамы

Мамандар 13 тамызға арналған ауа райы болжамын ұсынды, деп хабарлайды Arbat.Media.

Бүгін еліміздің басым бөлігінде жаңбыр жауады. Қазақстанның солтүстігінде, шығысында және орталығында атмосфералық фронттардың әсерінен найзағай ойнап, дауыл соғып, жаңбыр немесе бұршақ жаууы мүмкін.

Республика бойынша жел тұрып, түнде және таңертең солтүстікте, орталықта тұман түссе, оңтүстікте шаңды дауыл соғуы ықтимал.

Күндіз Алматы, Жамбыл, Жетісу облыстарында қатты ыстық болады.

Астанада күн бұлтты, жаңбыр жауады. Күндіз ауа температурасы +24+26°C, желдің жылдамдығы 9-14 м/с, күндіз екпіні 15-20 м/с.

Алматыда күн ала бұлтты. Күндіз ауа температурасы +34+36°C, желдің жылдамдығы 3-8 м/с.

Шымкентте күн ала бұлтты. Күндіз ауа температурасы +35+37°C, желдің жылдамдығы 8-13 м/с.