Ақмола облысында дәрігердің өліміне қатысты тергеу басталды

Ақмола облысының Есіл қаласында аудандық ауруханада терапевт болып жұмыс істеген 38 жастағы әйелдің денесі үйінен табылды, деп хабарлайды Arbat.Media.

Оған дейін дәрігер Көкшетауға барып, қылмыстық іс бойынша куәгер ретінде тергеу әрекеттеріне қатысқан. Сол кезде оның ұялы телефоны тәркіленгені хабарланды.

Полиция әйелдің өліміне байланысты сотқа дейінгі тергеу басталғанын мәлімдеді. Әзірге оның қазасы тергеу әрекеттерімен байланысты ма, жоқ па — белгісіз. Оқиғаның мән-жайы анықталып жатыр.