Елімізде әскерге шақыру ережелеріне өзгерістер енгізілмек

Елімізде әскерге шақыру ережелеріне өзгерістер енгізілмек, деп хабарлайды Arbat.Media.

Қорғаныс министрлігі жаңа қағидаларды бекітті. Оған сәйкес, енді әскерге шақырылушының нөміріне SMS-хабарлама жіберіледі. Бұл дәстүрлі әскери комиссариаттан жіберілген қағазбен теңестірілмек. Сондай-ақ қазақстандықтар әскерге шақыруды eGov порталы арқылы кейінге қалдыра алады.

Жаңа ережелер әлі күшіне енген жоқ. Қаулы жобасын қазақстандықтар 2025 жылдың 9 қыркүйегіне дейін талқылай алады.

Қаулы жобасы “Ашық НҚА” порталында жарияланды.