Қостанайда жылу құбыры жарылды

Әлеуметтік желілерде Қостанайдағы ықшамауданда жылу құбыры жарылғаны туралы ақпарат пайда болды, - деп хабарлайды Arbat.media.

Бұл туралы жергілікті тұрғындар айтып, оқиғаны «Қостанай жылу-энергетика компаниясы» МҚК растады.

— Шипин көшесіндегі 158-үй маңында жылу құбыры жарылды. Жөндеу бригадасы жолға шықты. Әзірге үйлерді жылумен қамтамасыз ету үзілген жоқ, — деді Қостанай жылу-энергетика компаниясы.

Сауал жолданған сәтте апатты жою жұмыстары әлі басталмаған болатын.

Жергілікті тұрғындарың бірінің үйінде еден астынан ыстық су атқылаған.

ҚЖЭК қажет болған жағдайда су сорылатынын айтты.