ШҚО: Танымал есімдердің рейтингі
Шығыс Қазақстан облысында адамдарға ең жиі қойылатын есімдер рейтингісі жарияланды, - деп хабарлайды Arbat.media.
«Азаматтарға арналған үкімет» мемлекеттік корпорациясының Шығыс Қазақстан облысы бойынша филиалы өңірдегі ең танымал есімдердің рейтингін жасады.
Қыздар арасында үздік бестікке Айкөркем, Айбибі, Көзайым, Ульяна, Муслима есімдері енді.
Ал ер балаға қойылған есімдер тізімінде Ислам, Хангелді, Хантөре, Хамза, Марк есімдері көш бастап тұр.
Бүгінгі таңда баланың туу туралы куәлігін алуға өтінімді онлайн режимде беруге болады. Осы жылдың басынан бері ШҚО-да барлығы осындай 30 мыңнан астам құжат берілген. Оның ішінде ресімдеуге 4 мыңнан астам өтінім онлайн форматта беріліп отыр. Егер өткен жылмен салыстырсақ, проактивті өтінімдер саны екі есеге артқан.
«Бала туғаннан кейін анасы SMS-хабарлама алады. Бұл хабарламаға жауап ретінде сіз бірнеше сұраққа жауап беріп, таңдаған есіміңізді жазуыңыз керек. Бұл формат туу туралы куәлікті алу процесін жеңілдетеді және уақытты айтарлықтай үнемдейді», - дейді облыстық филиалдың директоры Азамат Есембулов.
