Қостанай облысы ТЖД басшысы Қайрат Қасым Амангелді кентіндегі ғимараттың опырылуының мән-жайын бөлісті, - деп хабарлайды Arbat.media.
Үйінді астында тағы үш адамға дейін болуы мүмкін. Ғимаратта жұмыс істеген компания қызметкерлері туралы болып отыр. Алайда үйінді астында кәсіпорынның қанша клиенті болуы мүмкін екені белгісіз.
«Камазцентр» аумағында газ-ауа қоспасы жарылғаны туралы хабар түсті. Ғимарат опырылып құлады. Сағат 15:00–де үйінді астынан үш адамды алып шыға алдық. Оның бірінің жағдайы ауыр. Алдын ала тізім бойынша, оқиға салдарынан 12 адам зардап шекті, оларға медициналық көмек көрсетілген. Екеуі үйіне жіберілді, қалғаны әлі ауруханада. Жұмыс берушілердің тізімі бойынша үйінді астында үш адамға дейін болуы мүмкін, бірақ ұйымға қатысы жоқ тағы қанша адам бар екені белгісіз. Яғни, бұл клиенттер болуы мүмкін. Сондықтан қазір жұмыс жүріп жатыр. Кәсіпорынның қандай қызмет көрсеткенін қазір айта алмаймын. Көлік жөндеу, мүмкін. Ұйым басшылығының тізімі бойынша олар үш қызметкерді есепке алмаған», — дейді Қостанай облысы ТЖД басшысы Қайрат Қасым.
Оның айтуынша, құрылыстың ауқымы мен зақымданған техниканың көп ыбырсуынан іздеу жұмысы қиындап тұр.
«Қажет техниканы айдап әкелдік. Кран орнату үшін плацдарм әзірлеу жұмыстары жүргізілген. Үйінді астында қалып қойғандарға зиян келтірмес үшін күрделі айла-шарғы жүргізуден қорқамыз. Сондықтан күрделі жұмыс қолдан атқарылып жатыр», — деп қосып өтті Қ.Қасым.
Еске сала кетсек, бүгін Қостанайда 7 адам қираған үйдің астында қалып қойғаны хабарланған еді.
Кейін үш адам үйінді астынан шығарылды.
Жедел көмек қызметі 4 адам — Қостанай облыстық ауруханасына, 7 адам — Қостанай қалалық ауруханасына жеткізілгенін мәлім етті.
