«Ертіс» футбол командасының бас бапкері қызметінен кетті

Павлодарлық «Ертіс» футбол клубы бас бапкер Сергей Якушинмен арадағы еңбек шарты бұзылғанын хабарлады. Якушиннің жетекшілігімен «Ертіс» биылғы маусымда 9 кездесу өткізіп, 6 рет жеңіске жеткен. «Ертіс» футбол клубы мен команданың бас бапкері Сергей Якушин екі жақтың келісімі бойынша еңбек қатынасын тоқтатты, - деп хабарлайды Arbat.media.

«Бас бапкер Сергей Якушинмен еңбек шарты бұзылды. Біз Сергей Александровичке командамен жасаған жұмысы үшін алғыс айта отырып, келешек істеріне сәттілік тілейміз. Оның жетекшілігімен «Ертіс» биылғы маусымда 9 кездесу өткізіп, 6 рет жеңіске жетті. Сондай-ақ 1 рет тең түсіп, 2 рет жеңілді», - деп хабарлады футбол клубынан.

«Ертіс» командасы соңғы рет семейлік «Елімайдан» 1:3 есебімен жеңіліп қалған болатын. Павлодарлық клуб екінші лигадағы турнир кестесінде 19 ұпаймен көш бастап тұр.

Қазақстанда 6 жылда 18 футбол клубын қаржыландыруға 200 млрд теңгеден астам қаржы бөлінген.