Euro-2024: Испания құрамасы Хорватияны ойсырата жеңді
Футболдан 2024 жылғы Еуропа чемпионатының екінші ойын күнінде Испания құрамасы Хорватияны ойсырата жеңді.В тобында ойнайтын испаниялық футболшылар алғашқы кездесуінде жинақы қимыл көрсетті. Ойынның 29-минутында испаниялық Альваро Морато есеп ашса, Фабиан Риус 32-минутта басымдықты арттырды. Ал 47-минутта Даниэль Карвахаль мергендік танытты, - деп хабарлайды Arbat.media.
Осылайша Испания қарсыласынан 3:0 есебімен басым түсті, - деп жазады Kazinform агенттігі.
Сондай-ақ, бүгін сағат 23:55-те аталған топта Италия мен Албания құрамалары кездеседі.
А тобында Венгрия құрамасы Швейцарияға 1:3 есебімен жол берді.
Кеше, 14 маусымда Германия Шотландияны 5:1 есебімен жеңді.
Құрлықтық дода ойындары Германияның Берлин, Дортмунд, Дюссельдорф, Майндағы Франкфурт, Гельзенхиркен, Гамбург, Кёльн, Лейпциг, Мюнхен, Штутгарт секілді қалаларында өткізіледі.
Құрлықтық дода 14 шілдеде мәресіне жетеді.
