Қазақстанда алиментке қатысты жаңа заң жобасы әзірленеді. Бұл жөнінде Бала құқықтары жөніндегі уәкіл Динара Зәкиева Сенатқа тиісті ұсыныспен жүгінген.
Қазақстан Ұлттық банкі мен Ұлттық төлем корпорациясы банкаралық QR төлемдерін енгізу бойынша пилоттық жобаны іске қосты. Бірінші транзакцияның көрсетілімі 15 қарашада Алматыда өткен Қазақстан қаржыгерлерінің конгресі аясында екінші деңгейлі екі банктің қатысуымен өтті.
1993 жыл – Портреттер. Онда еліміздің ғылым, өнер, мәдениет, білім беру жүйесінің дамуына үлкен үлес қосқан тарихи тұлғалар бейнеленген. Алғашқы қағаз ақшаның бір ерекшелігі – номиналдың орналасуы еді. Сандар ақ фонда, купюралардың алдыңғы жағының сол жақ төменгі бұрышында, ортасында әрі оң жақ жоғарғы бұрышында басылып шықты.
Мәскеуде WKF каратэден өткен Moscow Karate Universe-2024 халықаралық жарысында Қазақстан ұлттық құрамасы табысты өнер көрсетті. Спортты дамыту дирекциясының баспасөз қызметінен мәлім еткеніндей, аталмыш турнирге барлығы 31 елден 329 спортшы қатысып, бақ сынады.
Заңсыз автотасымалдаушылармен күрес қарқынды жүргізіліп жатыр. 2025 жылдан бастап жеке агрегаторлар жеке тасымалдаушы ретінде тіркелген тұлғаларға ғана тапсырыс беретін болады. Бұл туралы ҚР ІІМ Әкімшілік полиция комитетінің төрағасы Қайсар Сұлтанбаев айтты.
Еңбек және халықты әлеуметтік қорғау министрлігі Қазақстандағы зейнетақының орташа мөлшерін жариялады. 2024 жылғы 1 қарашадағы жағдай бойынша, жиынтық зейнетақының орташа мөлшері 131 730 теңге болды, оның ішінде ынтымақты зейнетақы мөлшері – 89 122 теңге, базалық зейнетақы – 42 608 теңге.
Қазақстан Республикасы Орталық мемлекеттік кино, фотоқұжаттар және дыбыс жазбалары мұрағатының делегациясы Моңғолия Ұлттық мұрағатында ғылыми-зерттеу жұмыстары барысында Қазақстанға қатысты құнды материалдарды анықтады.
Энергетика министрі Алмасадам Сәтқалиев 2024 жылғы 8 қарашада «сұйытылған мұнай газын тасымалдаудың кейбір мәселелері туралы» бұйрыққа қол қойды. «Қазақстан Республикасының аумағынан 6 ай мерзімге автомобиль және теміржол көлігімен сұйытылған мұнай газын, пропан мен бутанды әкетуге тыйым салу енгізілсін», - делінген бұйрық мәтінінде7
Қазан айында Электрондық еңбек биржасында 123,7 мың бос жұмыс орны және 106 мың түйіндеме орналастырылды. Алдыңғы аймен салыстырғанда іздеу және жалдау белсенділігі төмендеді: бос жұмыс орындарының саны 9%-ға (13 мың), ал түйіндеме 13%-ға (16,5 мың) азайды. Белсенділіктің төмендеуі білім беру саласындағы сұраныс пен ұсыныстың төмендеуімен түсіндіріледі, оқу орындарында кадрларды даярлаудың аяқталуына байланысты болуы мүмкін.