Астанада референдум өтетін күні қоғамдық көлік — тегін

6 қазанда Қазақстанда АЭС салу мәселесі бойынша республикалық референдум өтеді. Бұл күні Астана автобустарында жол жүру тегін болады, деп жазды елорда әкімдігінің ресми сайты. 6 қазанда Республикалық референдум өткізілетін күні қалалық және қала маңындағы маршруттарда жол жүру тегін болады. Автобустар таңғы сағат 6:00-ден түнгі 23:00-ге дейін жүреді. 7 қазаннан бастап қоғамдық көлік штаттық режимде жұмыс істейтін болады, - деп хабарлайды Arbat.media.

Айта кетейік, Президент республикалық референдум өткiзу туралы Жарлыққа қол қойды, - деп жазады Kazinform агенттігі. 

ҚР Бас прокурорының орынбасары Жандос Өміралиевтің «Прокуратура туралы» Қазақстан Республикасы Конституциялық заңының 40-бабына сәйкес Қазақстанда атом электр стансасын салу жөніндегі референдумға қатысты үндеу жарияланды.

АЭС референдумы туралы Президент Жарлығының жобасы Үкімет қарауына жіберілді.

10,3 мың дауыс беру учаскесі құрылады.