Сенсация: «Таңбалы» қорық-музейінде сирек кездесетін тиын табылды

«Таңбалы» қорық-музейінде сирек кездесетін тиын табылды. «Таңбалы» ғылыми қызметкерлері халықаралық тарихи-археологиялық экспедиция өткен Қоғалы алқабында қазба жұмыстары кезінде сенсациялық жаңалық ашты. Қазақстанда алғаш рет өте сирек кездесетін тиын табылды, - деп хабарлайды Arbat.media.

Бұл туралы Мәдениет және ақпарат министрлігі мәлімдеді.

Түркі-соғды ерте ортағасырлық нумизматика саласындағы мамандардың пікірінше, бұл монета VII ғасырдың ортасынан бастап қолданылған.

Экспедиция зерттеу жүргізген Коғалы алқабының ескерткіштері VII-VIII ғасырлардың алғашқы жартысында Жетісу жерін мекендеген батыс түріктердің мәдениетіне жатады.

Қазір «Таңбалы» ғылыми-реставрациялық зертханасында бірегей артефактқа қатысты алғашқы консервациялық жұмыстар жүргізіліп жатыр.

Археологиялық қазба жұмыстары әлі де жалғасып жатыр.