СҚО-да үш аудан мен Петропавлды су басу қаупі бар

Солтүстік Қазақстан облысындағы су тасқыны жағдайы өте күрделі. Аталған аймақтағы қазіргі жағдай туралы облыс әкімінің орынбасары Қанат Дүзелбаев мәлімдеді, - деп хабарлайды Arbat.media.

«Облыстағы су тасқыны жағдайы өте күрделі, тұрақты мониторинг жүргізілуде. Сергеев су қоймасының толымдылығы таңғы 8:00-де 163% құрады. Есіл өзенінің жағалауында қауіп, кедергі байқалмайды, су қоймасындағы ағын 355 см құрайды, бірақ су тасқыны шегіне жеткен жоқ», - деді Қанат Дүзелбаев.

Ол 2017 жылы өңірде судың көтерілу көрсеткіші 338 см болғанын еске салды.

«Судың көтерілуі 4 метрге дейін жетуі мүмкін деп болжаймыз. Бқл облыстың 3 ауданы мен Петропавл қаласын су басу қаупін тудырады. Су басу аймағына 845 тұрғын үй мен 5 мың саяжай кіреді. Тасқын су облыс орталығына 7-8 күнде жетеді деп күтілуде. Облыстағы 13 ауданның 8-де жағдай қиын. Қар жамылғысы 38-ден 50%-ға дейінгі деңгейде, 262 елді мекенді су басу қаупі сақталуда», - деп толықтырды Қ. Дүзелбаев.