Павел Дуров Қазақстанда ЖИ-зертханасы ашылғанын мәлімдеді

Павел Дуров Қазақстанда ЖИ-зертханасы ашылғанын мәлімдеді, деп хабарлайды Arbat.Media.

Бұл туралы Telegram негізін қалаушы және бас атқарушы директоры Digital Bridge 2025 форумында хабарлады.

«Бір жыл бұрын Қазақстанда алғашқы өңірлік кеңсемізді аштық және оның нәтижесіне өте ризамыз. Бүгін біз Alem.ai ғимаратында арнайы жасанды интеллект зертханасын ашып жатқанымызға қуаныштымыз. Ең алдымен біз Telegram мен Қазақстанның жасанды интеллект министрлігі іске қосқан суперкомпьютерлік кластерінің бірлескен жобаны жүзеге асырамыз. Бұл технология бір миллиардтан астам адамға жасанды интеллект функцияларын қауіпсіз, ашық және тиімді түрде пайдалануға мүмкіндік береді», - деді Павел Дуров.