Журналист
Наурызда Украинада кем дегенде 604 бейбіт тұрғын қаза тапты немесе жараланған. Бұл мәліметтерді Біріккен Ұлттар Ұйымының бақылаушылар миссиясы ұсынды.
Спорт және дене шынықтыру комитетінің «Спортты дамыту дирекциясы» Париждегі жазғы Олимпиадаға арналған Қазақстан Ұлттық құрамасының киім формасы мен оған қосымша керек-жарақ жабдықтардың дизайн тұжырымдамасын әзірлеуге арналған конкурс қайтадан жарияланғанын хабарлады. Осыған дейінгі ақпан айында басталған Қазақстан ұлттық құрамасының киім формасы мен оған қосымша керек-жарақ жабдықтардың дизайн тұжырымдамасын әзірлеуге арналған конкурста қатысушылардың ешбір эскизі комиссия мүшелерінің көңілінен шықпауына байланысты комиссия 1-ші конкурсты өтпеді деп шешім шығарды.
Үкіметтің баспасөз қызметі премьер-министр мен Үкімет мүшелері атынан жалған ақпарат тарап жатыр дген мәлімдеме жасады.
Азаматтық қорғаныс қызметі тасқын басталғалы 97 071 адамды, оның ішінде 32 735 баланы қауіпсіз жерлерге жеткізді. Уақытша орналасу пунктеріне 7 606 адам, оның ішінде 3 728 бала орналасты. Апаттан құтқару жұмыстарында 25 мыңға жуық адам және 3 мыңнан астам техника, 15 әуе кемелері жұмылдырылды.
7 сәуірде Елордадағы «Астана» триатлон саябағында қала тұрғындары арасында «Олимпиадаға 100 күн» атты бұқаралық жүгіру шарасы өтеді. Айтулы шараға 5 шақырым қашықтықты бағындыра алатын барлық қала тұрғындары мен қонақтары шақырылады. Жас шектеуі жоқ. Ұйымдастырушылардың айтуынша айтулы бұқаралық жүгіру шарасы олимпиадалық қозғалысты насихаттау әрі олимпиадашаларымыз бен лицензия алуға үміткерлерімізді қолдау мақсатында өтпек.
15 сәуірде «Алматы – біздің ортақ үйіміз» акциясы аясында «Қоқысты кофе/снэкке айырбаста» науқаны басталады. Алматы әкімдігінің мәліметінше, акцияға қала тұрғындары мен қонақтары қатыса алады. Оларға макулатура, пластикалық, алюминий, шыны бөтелкелерін жинау ұсынылады. Алматылықтар қоқысты арнайы орындарға апарып купондарға айырбастап, оған пицца, гамбургер, кофе және донер ала алады.
Батысқазақстандық ветеринар мамандар эпидемиологиялық қызметпен бірлесіп Сырым ауданындағы су басқан 3 сібір жарасы көміндісі орналасқан жерді тексерді. Бетондалған саркофагтар мен қоршаулардың тұтастығы бұзылмағаны анықталды. «Орал обаға қарсы станциясы» ММ Жымпиты бөлімшесінің мамандары осы көмінді орындарынан топырақ сынамаларын алды. Сынамалар топырақта сібір жарасы спораларының болуын зерттеу үшін «Ветеринария жөніндегі ұлттық референттік орталыққа» жіберілетін болады.
«Айка тізімі» ісі бойынша фактілер тексеріліп жатыр деп мәлімдеді Сыбайлас жемқорллық қарсы іс-қимыл агенттігінің ресми өкілі Данияр Бигайдаров. Былтыр желтоқсанда интернетте қазақстандық эскорт клиенттерінің жеке деректері көрсетілген «Айка тізімі» жарияланған болатын. ІІМ ақпараттың таралуы бойынша қызметтік тергеуді бастады, алайда бұл істі кейін Сыбайлас жемқорлыққа қарсы іс-қимыл агенттігі қолға алды.
Ақтөбе облысында жағдай тұрақты. Ақтөбе қаласының бау-бақша ұжымдарында су айдау және инертті материалдарды төсеу жұмыстары жүргізіліп жатыр.