Алты айда Қазақстанға 40 мыңнан астам ресейлік жұмыс істеуге келген
Алты айда Қазақстанға 40 мыңнан астам ресейлік жұмыс істеуге келген, - деп хабарлайды Arbat.media.
2023 жылдың алғашқы алты айында 40 895 ресейлік шекарадан өтіп, Қазақстан аумағына «жұмыс істеу» мақсатында кірген.
Статистиканы Еңбек және халықты әлеуметтік қорғау министрлігі келтіріп отыр.
Оның үстіне, бүкіл 2022 жылы бұл көрсеткіш 63 мың адамды құрады.
Жалпы, бірінші жартыжылдықта Армениядан 1778, Беларусьтен 1057, Қырғызстаннан 8374 азамат келген.
Республикада негізінен Еуразиялық экономикалық одақ елдерінің азаматтары экономиканың басым салаларында, тар профильді кәсіптерде жұмыс істейтіні атап өтілді.
Оның ішінде өнеркәсіптік өндіріс менеджерлері, консалтинг, қаржы және сақтандыру нарықтары, сондай-ақ интернет-технология мен IT секторы мамандары бар.
Қазақстандықтардың елден тыс жұмыс істеуге кетуіне келсек, ағымдағы жылдың бірінші жартыжылдығында республиканың 25515 азаматы Ресейге, 1203-і Қырғызстанға, 154-і Арменияға, 133-і Белоруссияға жұмыс істеуге кеткен.
