Өзбекстанда биыл 1000-нан астам балабақша, мектеп, аурухана жөнделеді
Өзбекстан президенті Шавкат Мирзиеев энергия ресурстарын пайдалану тиімділігін арттыру және күзгі-қысқы кезеңде энергетикалық нысандардың сенімді жұмысын қамтамасыз етуге арналған бейнеконференция отырысын өткізді. 10 маусымда өткен жиында мемлекет басшысы 1000-ға жуық әлеуметтік нысанды алдағы маусымға дайындауды тапсырды, - деп хабарлайды Arbat.media.
Бұл туралы Өзбекстан президентінің баспасөз қызметі хабарлады.
Ол кейбір өнеркәсіптік кәсіпорындарда жасыл энергияны енгізудің баяулауына және энергия үнемдеудің жеткіліксіздігіне алаңдаушылық білдірді. Бірнеше өңірде билік 750 миллион киловатт электр қуатын және 550 миллион текше метр газды үнемдеуді жоспарлап отыр.
«Үнемдеу шығындарды азайту және энергияны үнемдейтін технологияларды енгізу арқылы қол жеткізу керек», - деді Мирзиёев.
Өзбекстан премьер-министрінің орынбасары мен құрылыс министрінің бірінші орынбасарына алдағы жылға жаңа әлеуметтік нысандарды жобалау кезінде энергия тиімділігіне қатаң талаптар қоюды тапсырды.
Сондай-ақ күзгі-қысқы кезеңге дайындау мақсатында балабақша, аурухана, мектеп, интернат сияқты 1000-нан астам әлеуметтік ғимараттарды жөндеу қажеттігін айтты.
Мәселені ағымдағы жылдың 1 қазанына дейін шешу керек.
