Жогорку Кенеш спикері бастауыш сыныпта тек қырғыз тілінде оқытуды талап етті

Жогорку Кенеш отырысында спикер Нұрланбек Шәкиев бастауыш сынып оқушыларын тек мемлекеттік тілде оқыту қажеттігі туралы мәлімдеме жасады. Қабылданған мемлекеттік тіл туралы заң аясында қырғыз тіліне деген көзқарас түбегейлі өзгерістерге ұшырауы керектігін атап өтті, - деп хабарлайды Arbat.media.

Бұл туралы Sputnik жазады.

Шәкиев мектептерде қырғыз тіліне кезең-кезеңімен көшу нәтижесінің жоқтығына көңілі толмайтынын айтып, 1-4 сыныптардағы сабақтар тек ана тілінде жүргізілетін Қазақстанды мысалға келтірді.

Білім және ғылым министрлігінің басшысы Доғдыркүл Кендірбаева ана тілінде білім алатын оқушылардың білім деңгейі орыс тілді мектептерде оқитын балаларға қарағанда төмен екенін түсіндірді. Министр мұны оқулықтар мен оқыту әдістемесінің сапасымен түсіндірді.

Жиын барысында қырғыз мектептерінде дуальды оқыту жүйесін енгізу туралы ұсыныс айтылды. Оның аясында кейбір пәндер орыс тілінде, кейбірі қырғыз тілінде оқытылады.