АҚШ Қаржы министрі: Ресей активтерінен кірісті Украинаға пайдалану — заңды

АҚШ Қаржы министрі Ресей активтерінен түсетін кірісті Украинаны қолдау үшін пайдалану заңды деді. Джанет Йеллен бұл пікірін G7-нің Киевке тыйым салынған ресейлік активтерден түскен кіріс есебінен 50 миллиард доллар бөлу туралы шешіміне қатысты сынға жауап ретінде білдірді, - деп хабарлайды Arbat.media.

Ол Ресей Федерациясының Орталық банкінің Батыста бұғатталған активтері еш өзгеріссіз қалатынын атап өтті.

Алайда, жыл сайын 2,5-3,5 миллиард еуроны құрайтын бұл қаражатты инвестициялаудан түсетін пайыздарға Ресейдің құқығы жоқ.

13 маусымда Ресей Сыртқы істер министрлігі Ресей Федерациясының тыйым салынған активтерін Украинаға көмектесу үшін пайдалануды «халықаралық құқыққа тағы бір соққы» деп атады және «ауыр» жауап шараларын жариялады.

Бірақ олардың нақты не болуы мүмкін екенін министрлік түсіндірмеді.