АҚШ Украинаға тәркіленген ирандық Калашников автоматтарын жіберді

АҚШ Украинаға тәркіленген ирандық Калашников автоматтарын жіберді.  Америка Құрама Штаттары Украинаға Йемендегі хусит содырларына жіберілген, бірақ тәркіленген ирандық атыс қаруы мен оқ-дәрілерін жеткізеді, - деп хабарлайды Arbat.media.

Бұл 5 мың АК-47 автоматы, пулемет, снайперлік мылтық, РПГ-7 танкке қарсы қол гранатометтері және 7,62 мм калибрлі 500 мыңнан астам патрондар.

Оның саны Украина армиясының бір бригадасын жабдықтауға жетеді, деп хабарлады АҚШ Орталық қолбасшылығы.

«Бұл қаруды беру арқылы АҚШ әкімшілігі Иранның тұрақсыздандыру әрекетіне тосқауыл қойып, Украинаның Ресейдің Украинаға себепсіз басып кіруіне қарсы күресін қолдап отыр», - деді Бас прокурор Меррик Гарленд.