Арменияда полиция мен наразылық білдірушілер арасында қақтығыс болды

Арменияда парламент ғимаратының маңында полиция мен наразылық білдірушілер арасында қақтығыс болды.  Шерушілер Армениядағы наразылық қозғалысының жетекшісі, Армян апостол шіркеуінің архиепископы Баграт Галстанянның шақыруымен полиция қоршауын бұзып өтпек болды, дейді Интерфакс агенттігінің тілшісі оқиға орнынан, - деп хабарлайды Arbat.media.

Парламентте премьер-министр Никол Пашинянның қатысуымен «үкімет сағаты» өтіп жатыр.

Полиция наразылық білдірушілерді ығыстыруға тырысуда.

Тәртіп сақшылары дыбыс шығаратын гранаталарды қолдана бастағаны хабарланды.

Еске салсақ, Пашинянның отставкаға кетуін талап еткен наразылықтар Арменияда бірнеше апта бұрын ел билігі Әзірбайжанмен шекараның бір бөлігін делимитациялау және демаркациялау туралы келісімге келгеннен кейін басталды.

Сонымен бірге Ереван оппозиция аумақтық концессия ретінде қабылдаған шекаралас төрт ауылды бақылауды Бакуге берген болатын.